Les mots surlignés font l'objet d'une note
1Monseigneur, à mon retour de La Borde, où jay seiourné huit
2ou dix jours, je nay trouvé en ceste ville nouvelles dignes
3de vous, sinon que le roy et la royne sont à Chenonceau
4sans conseil et le conseil est à Bloys sans roy ; toutesfoys
5on dict que leurs magestez seront audit Bloys dans la
6estre cause que je passeray par là pour dire mes adieux,
8mais sy la court est plus esloignée, je prendray le droict
9chemin et diray à Dieu de loing. Je ne puis departir de ceste
10que environ le XVe de ce moys et ne masseure destre à Grenoble
11plustost que le XVe du prochain. Les royne et prince de
12Navarre estoiet partis de La Rochelle pour aller en Beard.
13Aucuns dient que cest pour recouvrer deniers et retourner incontinant
14et qu’on tient le mariaige pour faict. Les aultres doubtent
15de tout jusques à ce que leffect soit ensuivy. Monsieur
16de Paris est party ce jourdhuy pour aller en Avignon et, delà,
17en Piedmont veoir sa seur, madame la contesse de Pancallier.
18Monsieur et madame d’Aumalle sont allez à Joynville pour les
19couches de madame de Guise. Je finiray ma lettre par mes
20humbles recommandacions à vostre bonne grace, priant le Createur vous
21conserver
22Monseigneur, en sa tres saincte et digne garde. De Paris, ce
23IIIIe jour de septembre 1571
24Vostre à jamais plus fidelle et plus
25affectionné serviteur
26Truchon